കൊച്ചി : തുടര്ച്ചയായ നാല് ദിവസത്തെ ഇടിവിന് ശേഷം സംസ്ഥാനത്ത് സ്വര്ണവില വര്ധിച്ചു. പവന് 200 രൂപയാണ് കൂടിയത്. ഇതോടെ ഒരു പവന് സ്വര്ണത്തിന്റെ വില 33,360 രൂപയായി വര്ധിച്ചു.
4170 രൂപയാണ് ഒരു ഗ്രാം സ്വര്ണത്തിന്റെ വില. 25 രൂപയാണ് ഗ്രാമിന് വര്ധിച്ചത്. മാര്ച്ച് ഒന്നിന് സ്വര്ണവില ഗ്രാമിന് 4305 രൂപയായിരുന്നു. പിന്നീട് സ്വര്ണവിലയില് ക്രമാനുഗതമായ കുറവ് രേഖപ്പെടുത്തിയതിന് ശേഷമാണ് വീണ്ടും വില ഉയര്ന്നിരിക്കുന്നത്.
കോവിഡ് ആഘാതത്തില് നിന്ന് സമ്പദ്വ്യവസ്ഥകള് കരകയറിയതോടെ സ്വര്ണത്തിന് പുറമേയുള്ള മറ്റ് നിക്ഷേപക മാര്ഗങ്ങളിലേക്ക് നിക്ഷേപകര് തിരിഞ്ഞതാണ് സ്വര്ണ വിലയിടിവിനുള്ള പ്രധാന കാരണം. ഡോളര് കരുത്താര്ജിച്ചതും യു.എസിലെ ബോണ്ടുകളിലെ ആദായം വര്ധിച്ചതും സ്വര്ണവിലയെ സ്വാധീനിച്ചിരുന്നു.
