മലപ്പുറം : മധുര കാമരാജ് സർവകലാശാലയുടെ 3 വർഷ ബിരുദ കോഴ്സിന്റെ സർട്ടിഫിക്കറ്റ് 6 മാസത്തെ കോഴ്സിലൂടെ നൽകാമെന്നു പറഞ്ഞ് പണം തട്ടിയ കേസിൽ ഒളിവിലായിരുന്ന പ്രതി 8 മാസത്തിനു ശേഷം അറസ്റ്റിൽ. മലപ്പുറം മങ്ങാട്ടുപുലം സ്വദേശി ശഫീഫിനെ (33) ആണ് മലപ്പുറം പോലീസ് പിടികൂടിയത്. മലപ്പുറം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കോഴിക്കോട് താമരശേരി സ്വദേശി മുഹമ്മദ് ഷാഹിന്റെ പരാതിയിലാണ് അറസ്റ്റ്.
