ഇടുക്കി : പ്രണയാഭ്യര്ഥന നിരസിച്ച പെണ്കുട്ടിയുടെ മുടി യുവാവ് വീട്ടില് കയറി വന്ന് ബലമായി മുറിച്ചുമാറ്റിയ കേസില് പ്രതി പിടിയില്. പീരുമേട് കരടിക്കുഴി സ്വദേശി സുനില് കുമാറാണ് പിടിയിലായത്. ഇന്നലെയാണ് ഇയാള് അയല്വാസിയായ പെണ്കുട്ടിയുടെ മുടി മുറിച്ചത്.
പകല് വീട്ടില് ആരുമില്ലാത്ത സമയത്താണ് സുനില് പത്തൊന്പതുകാരിയായ പെണ്കുട്ടിയുടെ വീട്ടിലെത്തി പ്രണയാഭ്യര്ത്ഥന നടത്തിയത്. യുവാവിനെതിരെ പെണ്കുട്ടി കത്രിക എടുത്തുകാണിച്ച് പ്രതികരിച്ചു. ഈ കത്രിക പിടിച്ചു വാങ്ങിയാണ് സുനില് മുടി മുറിച്ചു മാറ്റിയത്. ബഹളം വച്ചതോടെ ഇയാള് പെണ്കുട്ടിയെ തള്ളിമറിച്ചിട്ട ശേഷം രക്ഷപെട്ടു.
