28.8 C
Pathanāmthitta
Tuesday, October 19, 2021 3:08 pm
Advertisment

സംസ്ഥാനത്തെ ആദ്യ മിനി ബെഡ് ഐസിയു ആംബുലൻസ് മൂന്നാറിൽ

മൂന്നാർ : ആശുപത്രിയിലെ ഇന്റൻസിവ് കെയർ യൂണിറ്റിൽ ലഭ്യമാകുന്ന എല്ലാ വിധ സൗകര്യങ്ങളോടും കൂടിയ സഞ്ചരിക്കുന്ന മിനി ബെഡ് ഐ.സി.യു ആംബുലൻസ് മൂന്നാറിൽ ഓടിത്തുടങ്ങി. സംസ്ഥാനത്ത് ആദ്യമായാണ് ഇത്തരമൊരു മിനി ബെഡ് ഐ.സി.യു ആംബുലൻസ്.

ടാറ്റാ ജനറൽ ആശുപത്രി ആണ് 48 ലക്ഷം രൂപ ചെലവിട്ട് ഈ സംവിധാനം ഒരുക്കിയിരിക്കുന്നത്. ആംബുലൻസിൽ വിദഗ്ധ ചികിത്സക്ക്‌ കൊണ്ടുപോകുന്ന അത്യാസന്ന നിലയിലുള്ള രോഗിയെ ആശുപത്രിയിൽ ഇരുന്ന് ഡോക്ടർക്ക് പരിശോധിച്ച് വിലയിരുത്തി അപ്പപ്പോൾ ചികിത്സ നൽകാൻ ഉള്ള സംവിധാനങ്ങൾ ഇതിലുണ്ട്. ആശുപത്രിയിൽ ഇരിക്കുന്ന ഡോക്ടർക്ക് മോണിറ്ററിൽ രോഗിയെയും കാണാൻ കഴിയും.

വെന്റിലേറ്ററും പേസ്മേക്കറും മോണിറ്ററും ഘടിപ്പിച്ചിട്ടുള്ള ഇതിലെ രോഗിയുടെ ആരോഗ്യസ്ഥിതി ആശുപത്രി ഐ.സി.യുവിൽ എന്നപോലെ വിലയിരുത്താനും ചികിത്സ നിർദ്ദേശിക്കാനും ആശുപത്രിയിൽ ഇരിക്കുന്ന ഡോക്ടർക്ക് കഴിയുന്ന വിധത്തിലുള്ള സംവിധാനങ്ങളാണ് വാഹനത്തിലുള്ളത്.

കണ്ണൻ ദേവൻ കമ്പനിയിലെ തൊഴിലാളികൾക്കൊപ്പം പൊതുജനങ്ങൾക്കും ഈ മിനി ബെഡ് ഐ.സി.യുവിന്റെ സേവനം വിട്ടുനൽകുമെന്ന് ടാറ്റാ ആശുപത്രി ഡയറക്ടർ ഡോക്ടർ ഡേവിഡ്.ജെ.ചെല്ലി പറഞ്ഞു.

- Advertisment -
Advertisment
Advertisment
- Advertisment -
- Advertisment -

Most Popular