പല കാരണങ്ങള് കൊണ്ടും വൃക്കകളുടെ ആരോഗ്യം മോശമാകാം. വേദനസംഹാരികളുടെ അമിത ഉപയോഗം പലപ്പോഴും വൃക്കകളുടെ ആരോഗ്യത്തെ മോശമായി ബാധിക്കുമെന്നാണ് പഠനങ്ങള് പറയുന്നത്. അതിനാലാണ് വേദനസംഹാരികള് ഡോക്ടറുടെ നിര്ദ്ദേശ പ്രകാരം മാത്രം കഴിക്കുക എന്നു പറയുന്നത്. പ്രമേഹം, ഉയര്ന്ന രക്തസമ്മര്ദ്ദം തുടങ്ങിയ രോഗങ്ങള് ചിലപ്പോഴൊക്കെ വൃക്കയുടെ പ്രവര്ത്തനത്തെയും ബാധിക്കാം. മൂത്രത്തിലോ വൃക്കയിലോ കല്ലുണ്ടാകുന്നതും വൃക്കയുടെ പ്രവര്ത്തനത്തെ ബാധിക്കാം. ക്യാന്സര് പോലും വ്യക്കകളെ ബാധിക്കാം.
സ്ത്രീകളെക്കാള് വൃക്കാര്ബുദത്തിന് സാധ്യത നാല് മടങ്ങ് കൂടുതല് പുരുഷന്മാര്ക്കാണ്. 50 വയസ്സില് താഴെയുള്ളവരിലാണ് 30 ശതമാനം കിഡ്നി ക്യാന്സര് കണ്ടെത്തിയിരിക്കുന്നത്. പുകവലി, അമിതവണ്ണം, ഉയര്ന്ന രക്തസമ്മര്ദ്ദം, പാരമ്പര്യമായി വൃക്കയിലെ ക്യാന്സര് കണ്ടുവരുന്ന കുടുംബങ്ങളിലുള്ളവര്, വൃക്കരോഗത്തിന് കാലങ്ങളായി ചികിത്സ തേടുന്നവര് എന്നിവയാണ് കിഡ്നി ക്യാന്സര് സാധ്യത കൂട്ടുന്നത്.
പൊതുവായ ആരോഗ്യ പരിശോധനയും അള്ട്രാസൗണ്ട് സ്ക്രീനിങ്ങും വഴി ലക്ഷണങ്ങള് കണ്ടുതുടങ്ങുമ്പോഴെ കിഡ്നി ക്യാന്സര് തിരിച്ചറിയാം. സാധാരണയായി രോഗത്തിന്റെ ആദ്യഘട്ടങ്ങളില് കാര്യമായ ലക്ഷണങ്ങള് ഉണ്ടാവില്ല എന്നതാണ് ഈ ക്യാന്സറിനെ നേരത്തെ കണ്ടെത്തുന്നതില് നിന്ന് തടയുന്നത്.
അറിയാം കിഡ്നി ക്യാന്സറിന്റെ പ്രധാന ലക്ഷണങ്ങള്…
മൂത്രത്തില് രക്തം കാണുക, മൂത്രം പിങ്ക്, ചുവപ്പ് അല്ലെങ്കില് കോളയുടെ നിറത്തില് കാണപ്പെടുക, നട്ടെല്ലിന് ഇരുവശത്തായി അനുഭവപ്പെടുന്ന വിട്ടുമാറാത്ത വേദന, വിശപ്പില്ലായ്മ, പെട്ടന്ന് ശരീരഭാരം കുറയുക, ക്ഷീണം, പനി എന്നിവയൊക്കെയാണ് വൃക്കയിലെ കാന്സറിന്റെ ലക്ഷണങ്ങള്.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.