ഹിമാചൽപ്രദേശ് : ഹിമാചൽ പ്രദേശിലെ കിന്നൗരിൽ ദേശീയപാതയിലുണ്ടായ കനത്ത മണ്ണിടിച്ചിൽ മരിച്ചവരുടെ എണ്ണം 15 ആയി. മരിച്ചവരിൽ രണ്ടു വയസുള്ള കുട്ടിയുമുണ്ട്. 16 പേരെ കാണതായെന്നാണ് റിപ്പോർട്ടുകൾ. ഇതു വരെ 14 പേരെ രക്ഷപ്പെടുത്തി. മണ്ണിടിച്ചിലിൽ മരിച്ചവരുടെ കുടുംബങ്ങൾക്ക് സംസ്ഥാന സർക്കാർ 4 ലക്ഷം രൂപ സഹായ ധനം പ്രഖ്യാപിച്ചിട്ടുണ്ട്.
മണ്ണിടിച്ചിലില് മറ്റു വാഹനങ്ങളോടൊപ്പം അപകടത്തില് പെട്ട ഹിമാചല് ട്രാന്പോര്ട്ടിന്റെ ബസിന്റെ അവശിഷ്ടങ്ങള് നൂറ് മീറ്ററോളം ചിതറിയ നിലയില് കണ്ടെത്തിയിട്ടുണ്ട്. മണ്ണിനടിയില് അകപ്പെട്ട ബസിന്റെ ഭാഗങ്ങളില് ആരെങ്കിലും കുടുങ്ങി കിടക്കുന്നുണ്ടോയെന്ന തെരച്ചില് തുടരുകയാണ്. രക്ഷാപ്രവര്ത്തനത്തിന് കരസേനയും ദുരന്തനിവാരണ സേനയും രംഗത്തുണ്ട്.
