റാന്നി: ഈ വർഷത്തെ ദേശിയ ഹിന്ദി ദിനം ഏറെ മികവോടെ സംയുക്തമായി ആചരിച്ചുകൊണ്ട് നാറണംമൂഴി പഞ്ചായത്തിലെ സർക്കാർ ഹയർ സെക്കന്ററി സ്കൂളുകൾ. കടുമീൻചിറ സ്കൂളിൽ നടന്ന ഹിന്ദി ദിന പ്രോഗ്രാം മികവിന്റെ വേദിയായി. റാന്നി ബി പി സി ഷാജി പി സലാം ഉദ്ഘാടനം നിർവ്വഹിച്ചു. പിടി.എ പ്രസിഡന്റ് ഇ.കെ മനോജ് അധ്യക്ഷത വഹിച്ചു. സണ്ണി ഫിലിപ്പ്, സി.ജി ഉമേഷ്, പി. മീന, പി.ജെ ഷൈലു, സന്തോഷ് ബാബു, ശാന്തിനി, സബിത, റെനി എന്നിവര് പ്രസംഗിച്ചു.
ദീർഘകാലമായി ഹിന്ദി ഭാഷ അധ്യാപന രംഗത്തും രാഷ്ട്ര ഭാഷ നിർമ്മിതിക്കുമായി അക്ഷീണം പ്രവർത്തിക്കുന്ന ഷാജി പി സലാം, ബിനിൽ ഫ്രാൻസിസ്, ലേഖ, ദീപ, സബിത എന്നീ അധ്യാപകരെ ആദരിച്ചു. ചടങ്ങിൽ കടുമീൻചിറ ഹയർ സെക്കന്ററി, ഹൈസ്കൂൾ വിഭാഗത്തിലെയും ഇടമുറി ഹൈസ്കൂൾ വിഭാഗത്തിലെയും കുട്ടികൾ വിവിധ കലാ പരിപാടികൾ അവതരിപ്പിച്ചു.
