കൊട്ടാരക്കര : നിശ്ചയിച്ചിട്ടുള്ള സമയപരിധിക്ക് ശേഷവും മദ്യവില്പന നടത്തിയ സംഭവത്തിൽ അഞ്ച് പേരെ കൊട്ടാരക്കര പോലീസ് അറസ്റ്റ് ചെയ്തു. കൊട്ടാരക്കര അമ്പലക്കര റിജൻസിയിലെ ജീവനക്കാരായ അഞ്ച് പേരെയാണ് ജില്ലാ പോലീസ് മേധാവിക്ക് കിട്ടിയ രഹസ്യ വിവരത്തെ തുടർന്ന് കൊട്ടാരക്കര സി.ഐ യുടെ നേതൃത്വത്തിലുള്ള പോലീസ് സംഘം പിടികൂടിയത്.
കരീപ്ര പ്ലാക്കോട് മനുഭവനിൽ ഹരികുമാർ (20), പുത്തൂർ തേവലപ്പുറം മുള്ളുവിള വീട്ടിൽ അനിൽ (30) ഇടയ്ക്കിടം മനു ഭവനത്തിൽ മനു (23), കുടവട്ടൂർ അർച്ചന നിവാസിൽ ആദർശ് ( 23), ഓടനാവട്ടം സഞ്ജീവനിയിൽ അരുൺ പിള്ള (26)എന്നിവരാണ് പോലീസ് പിടിയിലായത്. ഇവരിൽ നിന്ന് ഒരു ലക്ഷത്തി അൻപത്തി ഒൻപതിനായിരം രൂപയും 98 കുപ്പി വിദേശമദ്യവും പിടികൂടി. കോടതിയിൽ ഹാജരാക്കിയ ഇവരെ 14 ദിവസത്തേക്ക് റിമാൻഡ് ചെയ്തു.
