പത്തനംതിട്ട : ഭാരതത്തിന്റെ മതനിരപേക്ഷതയും ജനാധിപത്യവും ശക്തിപ്പെടുത്തുവാൻ ഗാന്ധിയൻ മാർഗത്തിലൂടെയുള്ള പ്രവർത്തനങ്ങൾ ശക്തമാക്കണമെന്ന് മുൻ ഡി.സി.സി പ്രസിഡന്റ് പി.മോഹൻരാജ് പറഞ്ഞു. രാഷ്ട്രപിതാവ് മഹാത്മാഗാന്ധിയുടെ രക്തസാക്ഷിത്വ ദിനത്തിൽ പത്തനംതിട്ട ടൗൺ മണ്ഡലം കമ്മറ്റിയുടെ നേതൃത്വത്തിൽ സംഘടിപ്പിച്ച ഗാന്ധി സ്മൃതി പദയാത്ര ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജാഥാ ക്യാപ്റ്റൻ മണ്ഡലം കോൺഗ്രസ് പ്രസിഡന്റ് റന്നീസ് മുഹമ്മദ് അദ്ധ്യക്ഷത വഹിച്ചു. അഡ്വ എ സുരേഷ് കുമാർ, കെ ജാസിം കുട്ടി, അഡ്വ.റോഷൻ നായർ, സിന്ധു അനിൽ, അനിൽ തോമസ്, രജനി പ്രദീപ്, റോസിലിൻ സന്തോഷ്, മേഴ്സി വർഗീസ്, ആനി സജി, ഏബൽ മാത്യു, സി. കെ അർജുനൻ, സജി കെ സൈമൺ, അഖിൽ അഴൂർ, ആൻസി തോമസ്, സജിനി മോഹൻ, പി.എം അമീൻ, പ്രിനു റ്റി മാത്യൂസ്, വിഷ്ണു ആർ പിള്ള എന്നിവർ പ്രസംഗിച്ചു.
