പത്തനംതിട്ട : അമിതമായി വൈദ്യുതി നിരക്ക് വർദ്ധിപ്പിച്ച് ജനങ്ങളെ ദ്രോഹിക്കുന്ന സംസ്ഥാന സർക്കാർ നടപടിക്കെതിരെ കെ.പി.സി.സി ആഹ്വാനം അനുസരിച്ച് തണ്ണിത്തോട് ബ്ലോക്ക് കോൺഗ്രസ്സ് കമ്മിറ്റിയുടെ നേതൃത്വത്തിൽ കുമ്പഴ വൈദ്യുതി സെക്ഷൻ ഓഫീസിന് മുമ്പിൽ പ്രതിഷേധ ധർണ്ണ നടത്തി. മുൻ ഡി.സി.സി പ്രസിഡന്റ് ബാബു ജോർജ്ജ് ധർണ്ണ ഉദ്ഘാടനം ചെയ്തു. ബ്ലോക്ക് വൈസ് പ്രസിഡന്റ്. വി.സി. ഗോപിനാഥപിള്ള അധ്യക്ഷത വഹിച്ചു.
ഡി.സി.സി ഭാരവാഹികളായ വെട്ടൂർ ജ്യോതി പ്രസാദ്, സാമുവൽ കിഴക്കുപുറം, എലിസബേത്ത് അബു, ഡി.സി.സി അംഗങ്ങളായ ജയിംസ് കീക്കരിക്കാട്ട്, പി.കെ ഗോപി,യോഹന്നാൻ ശങ്കരത്തിൽ, ബ്ലോക്ക് ഭാരവാഹികളായ വിൽസൺ തുണ്ടിയത്ത്, ബേബി മൈലപ്ര,ബിജു മണ്ണിലയ്യത്ത്, സണ്ണി കണ്ണംമണ്ണിൽ, ഷെമീർ തടത്തിൽ, അജോയ് ഫിലിപ്പ്, മണ്ഡലം പ്രസിഡന്റ് ദിലീപ് കുമാർ പൊതീപ്പാട്, ബ്ലോക്ക് പഞ്ചായത്ത് അംഗം എൽ.സി ഈശോ, സിബി ജേക്കബ് , വി.കെ സാമുവൽ, ജയിംസ് പരുത്തിയാനി എന്നിവർ പ്രസംഗിച്ചു.
