തിരുവനന്തപുരം: രാജ്യത്തിന്റെ എഴുപത്തിയഞ്ചാം സ്വാതന്ത്ര്യദിനം പ്രമാണിച്ച് പാല്പായ്ക്കറ്റിലും ത്രിവര്ണ പതാകയുടെ പൊലിമ കാട്ടാന് മില്മ. മില്മയുടെ 525 മില്ലി ഹോമോജ്നൈസ്ഡ് ടോണ്ഡ് മില്ക്കിന്റെ കവറിലാണ് ത്രിവര്ണ പതാക ആലേഖനം ചെയ്യുന്നത്. നാളെ മുതല് മുതല് 16 വരെ പുറത്തിറങ്ങുന്ന പാലിന്റെ കവറുകള് പതാകയും ത്രിവര്ണവും പതിച്ചതായിരിക്കും. ഓണക്കാലത്ത് സംസ്ഥാനത്ത് ആവശ്യത്തിന് പാല് ഇതര സംസ്ഥാനങ്ങളില് നിന്നും എത്തിക്കാനുള്ള നീക്കം ആരംഭിച്ചതായി മില്മ ചെയര്മാന് കെ എസ് മണി അറിയിച്ചു. കര്ണാടക മില്ക്ക് ഫെഡറേഷന് ചെയര്മാനുമായി ഇതുസംബന്ധിച്ച് ചര്ച്ച നടത്തി.
