റാഞ്ചി: ഝാര്ഖണ്ഡ് മുന് മുഖ്യമന്ത്രിയും രാജ്യസഭാ എം പിയുമായ ഷിബുസോറനും ഭാര്യയ്ക്കും കൊവിഡ്. നേരത്തേ ഇദ്ദേഹത്തിന്റെ വസതിയില് നിയോഗിച്ചിരുന്ന 17 സുരക്ഷാ ജീവനക്കാര്ക്ക് വൈറസ് ബാധ സ്ഥിരീകരിച്ചിരുന്നു.
രോഗബാധ സ്ഥിരീകരിച്ച കാബിനറ്റ് സഹപ്രവര്ത്തകന് ബന്ന ഗുപ്തയുമായി സമ്പര്ക്കത്തിലേര്പ്പെട്ടതിനെ തുടര്ന്ന് മുഖ്യമന്ത്രി ഹേമന്ത് സോറന് തിങ്കളാഴ്ച വീണ്ടും വൈറസ് പരിശോധന നടത്തും. രണ്ട് മാസത്തിനുള്ളില് ഇത് മൂന്നാം തവണയാണ് മുഖ്യമന്ത്രി വൈറസ് പരിശോധനക്ക് വിധേയനാകുന്നത്. മന്ത്രിസഭായോഗത്തില് പങ്കെടുത്ത ശേഷമാണ് ബന്ന ഗുപ്തയ്ക്ക് കൊവിഡ് സ്ഥിരീകരിക്കുന്നത്.
