കോന്നി : കോന്നി കേന്ദ്രമാക്കി വെറ്റിനറി പോളി ക്ലീനിക് ആരംഭിക്കണമെന്ന് ജോയിൻ്റ് കൗൺസിൽ മേഖലാ സമ്മേളനം പ്രമേയത്തിലൂടെ സർക്കാരിനോട് ആവശ്യപ്പെട്ടു. യു.ഡി.എഫ് സർക്കാർ ഏർപ്പെടുത്തിയ പങ്കാളിത്ത പെൻഷൻ പദ്ധതി അടിയന്തിരമായി പിൻവലിക്കണമെന്നും ഡി.എ കുടിശിഖ അടിയന്തിരമായി അനുവദിക്കണമെന്നും സമ്മേളനം ആവശ്യപ്പെട്ടു.
ജോയിൻ്റ് കൗൺസിൽ സംസ്ഥാന സെക്രട്ടറിയേറ്റ് അംഗം ആർ.രമേശ് ഉദ്ഘാടനം ചെയ്തു. മേഖലാ പ്രസിഡൻ്റ് ഡി.സജീന്ദ്രൻ നായർ അധ്യക്ഷത വഹിച്ചു. പി.എസ്.മനോജ് കുമാർ സംഘടനാ റിപ്പോർട്ടും, മേഖലാ സെക്രട്ടറി അലക്സ് സി ജോർജ് പ്രവർത്തന റിപ്പോർട്ടും അവതരിപ്പിച്ചു. ആർ. മനോജ് കുമാർ, വി.പ്രസാദ്, രാജമോഹനൻ എന്നിവർ പ്രസംഗിച്ചു. കൃഷ്ണനുണ്ണി (പ്രസിഡൻ്റ്) ശ്രീരേഖ (വൈസ് പ്രസിഡൻ്റ്) എസ്.ഗിരീഷ് കുമാർ (സെക്രട്ടറി) ബി.ആർ.മനു (ജോയിൻ്റ് സെക്രട്ടറി) എന്നിവരെ മേഖലാ ഭാരവാഹികളായി സമ്മേളനം തെരഞ്ഞെടുത്തു.
