തിരുവനന്തപുരം : കേരളത്തിലെ ആദ്യ നിയമ മന്ത്രിയും സുപ്രീം കോടതി ജഡ്ജിയുമായിരുന്ന ജസ്റ്റിസ് വി.ആര് കൃഷ്ണയ്യരുടെ വസതി ‘സദ്ഗമയ’ സര്ക്കാര് ഏറ്റെടുക്കുന്നു. നീതിന്യായ രംഗത്തെ പഠന ഗവേഷണ പ്രവര്ത്തനങ്ങളുടെ കേന്ദ്രമായി വികസിപ്പിക്കുന്നതിനാണ് കൃഷ്ണയ്യരുടെ വസതി സര്ക്കാര് ഏറ്റെടുക്കുന്നത്. ഇതിനായി ഒരു കോടി രൂപ ബജറ്റില് വകയിരുത്തിയിരുന്നു. സദ്ഗമയ വില്ക്കാന് പോകുന്നുവെന്ന വാര്ത്തകളെത്തുടര്ന്ന് നിയമമന്ത്രി പി.രാജീവാണ് ഇക്കാര്യം മുഖ്യമന്ത്രിയുടെ ശ്രദ്ധയില്പ്പെടുത്തിയത്. വസതി സര്ക്കാര് ഏറ്റെടുക്കുന്ന കാര്യം പരിശോധിക്കാന് മുഖ്യമന്ത്രി നിര്ദ്ദേശിക്കുകയായിരുന്നു. കൃഷ്ണയ്യര്ക്ക് ഉചിതമായ ഒരു സ്മാരകം പണിയണമെന്ന കാര്യം നേരത്തെ തന്നെ സര്ക്കാറിന്റെ പരിഗണനയിലുണ്ടായിരുന്നുവെന്ന് മന്ത്രി പി.രാജീവ് പറഞ്ഞു.
