കൊല്ലം : കൊല്ലം ബൈപ്പാസില് ലോറിയും ടിപ്പറും കൂട്ടിയിടിച്ചുണ്ടായ അപകടത്തില് ലോറി ഡ്രൈവര്ക്ക് ദാരുണാന്ത്യം. കൊല്ലം മൈലക്കാട് സുനില് കുമാര് (48) ആണ് മരിച്ചത്. അപകടത്തില് ടിപ്പര് ഡ്രൈവര്ക്ക് ഗുരുതര പരിക്കേറ്റു. വ്യാഴാഴ്ച പുലര്ച്ചെ അഞ്ചോടെ കൊല്ലം കല്ലുംതാഴത്താണ് അപകടമുണ്ടായത്. ക്യാബിന് വെട്ടിപൊളിച്ചാണ് ഡ്രൈവര്മാരെ പുറത്തെടുത്തത്. ഇരുവരെയും ഉടന് തന്നെ ആശുപത്രിയില് പ്രവേശിപ്പിച്ചെങ്കിലും ലോറി ഡ്രൈവര് മരിക്കുകയായിരുന്നു. മൃതദേഹം പോസ്റ്റ്മോര്ട്ടം നടപടികള്ക്കായി ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
