തിരുവനന്തപുരം: ബിജെപിയില് ചേര്ന്ന അനില് ആന്റണിയെ വിമര്ശിച്ച് കെപിസിസി അധ്യക്ഷന് കെ സുധാകരന്. മുപ്പത് വെള്ളിക്കാശിന് യൂദാസ്, യേശുവിനെ ഒറ്റിക്കൊടുത്ത ദിവസത്തില് അനില് ആന്റണി സ്വന്തം പിതാവിനേയും കോണ്ഗ്രസിനേയും ഒറ്റിക്കൊടുത്തുവെന്ന് സുധാകരന് കുറ്റപ്പെടുത്തി. എകെ ആന്റണിയുടെ മകനെന്നതിന് അപ്പുറം അനില് ആന്റണി കോണ്ഗ്രസില് മറ്റാരുമല്ല. കോണ്ഗ്രസിനായി സമരം ചെയ്ത പാരമ്പര്യം പോലും അനിലിനില്ല. അനില് പോകുന്നത് കോണ്ഗ്രസിനെ ബാധിക്കില്ലെന്നും സുധാകരന് കൂട്ടിച്ചേര്ത്തു. കോണ്ഗ്രസിനായി സമരം ചെയ്ത പാരമ്പര്യം പോലും അനിലിനില്ല. പാര്ട്ടിക്ക് വേണ്ടി വിയര്പ്പൊഴുക്കിയവരാരും പാര്ട്ടി വിട്ട് പോയിട്ടില്ല. പാര്ട്ടിക്ക് വേണ്ടി വിയര്പ്പ് പൊഴിക്കാത്തയാളാണ് അനിലെന്നും സുധാകരന് പറഞ്ഞു.
അതേസമയം ബിജെപിയില് ചേര്ന്നതിന് പിന്നാലെ കോണ്ഗ്രസിനെ വിമര്ശിച്ച് അനില് ആന്റണി രംഗത്തെത്തിയിരുന്നു. കോണ്ഗ്രസ് ഒരു കുടുബത്തിന് വേണ്ടി പണിയെടുക്കുന്നു എന്നായിരുന്നു അനില് ആന്റണിയുടെ വിമര്ശനം. എന്നാല്, ബിജെപി രാജ്യത്തിന് വേണ്ടിയാണ് പ്രവര്ത്തിക്കുന്നതെന്നും ഇന്ത്യയെ ഉന്നതങ്ങളിലേക്ക് നയിക്കാനുള്ള കാഴ്ചപ്പാടാണ് മോദിക്കുള്ളതെന്നും അനില് ആന്റണി പറഞ്ഞു. ദേശീയ ആസ്ഥാനത്തെത്തി കേന്ദ്രമന്ത്രി പീയൂഷ് ഗോയലില് നിന്നാണ് അനില് ആന്റണി പാര്ട്ട് അംഗത്വം സ്വീകരിച്ചത്. ബിജെപി സംസ്ഥാന അധ്യക്ഷന് കെ സുരേന്ദ്രനൊപ്പമാണ് അനില് ആന്റണി ബിജെപി ആസ്ഥാനത്തെത്തിയത്.
