ദില്ലി: സ്കൂള് പരീക്ഷാ രീതികളില് വലിയ മാറ്റങ്ങള് വരുത്താന് എന്സിഎഫ് ശുപാര്ശ ചെയ്തു. ഐഎസ്ആര്ഒ മുന് ചെയര്മാന് ഡോ. കസ്തൂരി രംഗന് അധ്യക്ഷനായ എന്സിഎഫ് കമ്മിറ്റിയുടെ നിര്ദേശം പൊതുജനാഭിപ്രായത്തിനായി ഉടന് പ്രസിദ്ധീകരിക്കും. രാജ്യത്തെ പ്ലസ്ടു വിദ്യാഭ്യാസം സെമസ്റ്റര്വത്കരിക്കാനും നിര്ദേശമുണ്ട്. 11,12 ക്ലാസുകളില് വര്ഷത്തില് രണ്ട് ബോര്ഡ് പരീക്ഷകള് നടത്താനാണ് ശുപാര്ശ.
വിദ്യാര്ത്ഥികള്ക്ക് നന്നായി എഴുതാന് സമയവും അവസരവും ലഭിക്കുമെന്ന് ഉറപ്പാക്കാന് വര്ഷത്തില് രണ്ടു പരീക്ഷകള് നടത്താനാണ് നിര്ദേശം. 18 വര്ഷത്തിന് ശേഷം വരുന്ന പുതിയ പാഠ്യപദ്ധതി അംഗീകാരത്തിനും അന്തിമരൂപീകരണത്തിനുമായി കേന്ദ്രസര്ക്കാരിനു സമര്പ്പിച്ചിരുന്നു. അതോടൊപ്പം 9,10 ക്ലാസുകളുടെ ഘടനയിലും പരീക്ഷ രീതിയിലും മാറ്റമുണ്ടാകും.
