കണ്ണൂര് : ലീഗ് ജില്ലാ കമ്മറ്റി ഓഫീസില് സംഘര്ഷം.ജില്ലാ നേതാക്കളെ ഒരു സംഘം ലീഗ് പ്രവര്ത്തകര് ബന്ദിയാക്കുകയും കണ്ണൂര് ജില്ലാ കമ്മറ്റി ഓഫീസിലെ ഭാരവാഹി യോഗം അലങ്കോലപ്പെടുത്തുകയും ചെയ്തു. സംഘര്ഷത്തിന്റെ ദൃശ്യങ്ങള് പുറത്ത് വന്നു.
വിജിലന്സ് കേസില് പെട്ട നേതാക്കള് ഭാരവാഹി സ്ഥാനങ്ങള് ഒഴിയണമെന്ന് ആവശ്യപെട്ടാണ് സംഘര്ഷം. യൂത്ത് ലീഗ് പ്രവര്ത്തകരാണ് ലീഗ് ജില്ലാ ഭാരവാഹികളെ തടഞ്ഞു വച്ചത്. തളിപ്പറമ്ബില് ലീഗ് കമ്മറ്റി മരവിപ്പിച്ചതിന് എതിരെയും പ്രതിഷേധം ശക്തമാണ്. തുടര്ന്ന് മലപ്പുറത്ത് നിന്നും എത്തിയ സംസ്ഥാന നേതാവ് എം ഉമ്മര് യോഗത്തില് പങ്കെടുക്കാതെ മടങ്ങി.