കോട്ടയം : നിരവധി ക്രിമിനല് കേസുകളില് പ്രതിയായ പുതുപ്പള്ളി തച്ചുകുന്ന് കോളനി വെട്ടിമറ്റം കമ്മല് വിനോദ് എന്നുവിളിക്കുന്ന എ.ആര് വിനോദ് കുമാറിനെ കാപ്പ ചുമത്തി കരുതല് തടങ്കലിലാക്കി. ഇയാളെ വിയൂര് സെന്ട്രല് ജയിലിലേക്കു മാറ്റി.
കൊലപാതകം, വധശ്രമം, ആക്രമിച്ച് ഗുരുതര പരിക്കേല്പ്പിക്കുക തുടങ്ങി 2017-ല് സന്തോഷ് എന്നയാളെ കൊലപ്പെടുത്തി മൃതദേഹം കഷ്ണങ്ങളാക്കി മാങ്ങാനം ഭാഗത്ത് ചതുപ്പില് ഉപേക്ഷിച്ച കേസിലും പ്രതിയായ വിനോദ് കുമാറിനെതിരേ സമീപകാലത്ത് കോട്ടയം ഈസ്റ്റ്, പാമ്പാടി പോലീസ് സ്റ്റേഷനുകളില് വധശ്രമം, സ്ത്രീകളെ അപമാനിക്കുക, വസ്തുവകകള്ക്ക് നാശനഷ്ടം വരുത്തുക എന്നീ കുറ്റകൃത്യങ്ങള്ക്കും കേസുകള് രജിസ്റ്റര് ചെയ്തിരുന്നു.
