കോഴിക്കോട് : കരിപ്പൂര് വിമാനാപകടത്തില് രക്ഷാപ്രവര്ത്തനം നടത്തിയ 10 പേര്ക്ക് കോവിഡ് സ്ഥിരീകരിച്ചു. നേടിയിരുപ്പ് മേഖലയില് നിന്നുള്ള 6 പേര്ക്കും കൊണ്ടോട്ടി മേഖലയില് നിന്നുള്ള 4 പേര്ക്കുമാണ് പരിശോധനയില് രോഗം സ്ഥിരീകരിച്ചത്. രക്ഷാപ്രവര്ത്തനത്തിനു ശേഷം ഇവര് ക്വാറന്റീനില് കഴിയുകയായിരുന്നു. വിമാന അപകടം റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകനും കഴിഞ്ഞ ദിവസം കോവിഡ് സ്ഥിരീകരിച്ചിരുന്നു.
രക്ഷാ പ്രവര്ത്തനത്തിന് നേതൃത്വം നല്കിയ മലപ്പുറം ജില്ലാ കളക്ടര് കെ ഗോപാലകൃഷ്ണന്, മലപ്പുറം ജില്ലാ പോലീസ് മേധാവി യു അബ്ദുള് കരീം, പാലക്കാട് ജില്ലാ പോലീസ് മേധാവി ജി ശിവവിക്രം അടക്കമുള്ളവര്ക്ക് നേരത്തേ കോവിഡ് സ്ഥിരീകരിച്ചിരുന്നു. സ്ഥലത്തെത്തിയ കോഴിക്കോട് മീഞ്ചന്ത ഫയര് സ്റ്റേഷനിലെ രണ്ട് ഉദ്യോഗസ്ഥര്ക്കും കോവിഡ് സ്ഥിരീകരിച്ചിരുന്നു.
