പത്തനംതിട്ട :വിജിലൻസ് അന്വേഷണത്തിനു സർക്കാർ അനുമതി നിഷേധിച്ച പമ്പ മണൽക്കടത്തുമായി ബന്ധപ്പെട്ട കേസിൽ വിജിലൻസ് കോടതിയിൽ പ്രാരംഭവാദം ഇന്നു കേൾക്കും.
പ്രതിപക്ഷ നേതാവ് രമേശ് ചെന്നിത്തലയാണ് ഹർജി നൽകിയത്. വിജിലൻസ് അന്വേഷണം ആവശ്യപ്പെട്ട് പ്രതിപക്ഷ നേതാവ് നേരത്തെ വിജിലൻസ് ഡയറക്ടർക്കു കത്തു നൽകിയിരുന്നു. അന്വേഷണ തീരുമാനം ഉണ്ടാകാതെ വന്നപ്പോളാണ് വിജിലൻസ് ഡയറക്ടർ അന്വേഷണത്തിന് അനുമതി ചോദിച്ചു സർക്കാരിനെ സമീപിക്കുകയും സർക്കാർ ഇത് നിഷേധിക്കുകയും ചെയ്തത്.
