ചിറ്റാർ : പി.പി. മത്തായിയുടെ കുടുംബത്തെ ഒറ്റപ്പെടുത്താനുള്ള സർക്കാരിന്റെ ശ്രമം വിലപ്പോകില്ലെന്ന് കെ.പി.സി.സി ജനറൽ സെക്രട്ടറി ടോമി കല്ലാനി പറഞ്ഞു. വനംവകുപ്പ് ഉദ്യോഗസ്ഥരുടെ പേരിൽ നടപടി സ്വീകരിക്കണമെന്ന് അവശ്യപ്പെട്ട് ഡി.സി സി യുടെ നേതൃത്വത്തിൽ നടക്കുന്ന പതിനഞ്ചാം ദിവസത്തെ അനിശിചതകാല റിലേ സത്യാഗ്രഹം ചിറ്റാർ ഫോറസ്റ്റ് ഡപ്യൂട്ടി റേഞ്ച് ആഫിസിന് മുന്നിൽ ഉദ്ഘാടനം ചെയ്യുകയായിരുന്നു അദ്ദേഹം. പി.പി മത്തായിയുടെ ഘാതകരായ പ്രതികളെ സംരക്ഷിക്കാനാണ് വനം വകുപ്പ് മന്ത്രിയും സ്ഥലം എം.എൽ.എയും ശ്രമിക്കുന്നതെന്ന് അദ്ദേഹം ആരോപിച്ചു.
ജവഹർ ബാലജനവേദി ജില്ല ചെയർമാൻ തട്ടയിൽ ഹരികുമാർ അദ്ധ്യക്ഷത വഹിച്ചു. ബ്ലോക്ക് പ്രസിഡന്റ് റോയിച്ചൻ ഏഴികത്ത് , മണ്ഡലം പ്രസിഡന്റ് ബഷീർ വെള്ളത്തറ , ജോസ് പനയ്ക്കൽ , ഷമീർ തടത്തിൽ , ജോൺ കിഴക്കെതിൽ , ബഷീർ ചിറ്റാർ , സോമരാജൻ , റെജി , അന്നമ്മ ജോർജ്ജ് തുടങ്ങിയവർ പ്രസംഗിച്ചു.
ആഗസ്റ്റ് 19 ബുധനാഴ്ച രാവിലെ പത്ത് മുതൽ വൈകിട്ട് അഞ്ച് വരെ നടക്കുന്ന പതിനാറാം ദിവസത്തെ സത്യാഗ്രഹം രാവിലെ പതിനൊന്നിന് കെ.പി. സി.സി മുൻ പ്രസിഡന്റ് കെ.മുരളീധരൻ എം.പി ഉദ്ഘാടനം ചെയ്യും.
