പത്തനംതിട്ട: പരിസ്ഥിതി ദിനാചരണത്തിന്റെ ഭാഗമായി കേരള കൗൺസിൽ ഓഫ് ചർച്ചസ് (കെസിസി) പത്തനംതിട്ട ജില്ലാ കമ്മിറ്റിയും പത്തനംതിട്ട സോണും സംയുക്തമായി നടത്തിയ പരിപാടി പത്തനംതിട്ട മുനിസിപ്പൽ ചെയർപേഴ്സൺ സിന്ധു അനിൽ ഉദ്ഘാടനം ചെയ്തു. പരിസ്ഥിതി സംരക്ഷണം കാലഘട്ടത്തിന്റെ അനിവാര്യതയാണെന്നും പ്രകൃതിയെ സംരക്ഷിക്കുന്നതിൽ ഓരോ വ്യക്തിക്കും ഉത്തരവാദിത്തമുണ്ടെന്നും ഉദ്ഘാടന പ്രസംഗത്തിൽ സിന്ധു അനിൽ പറഞ്ഞു. പരിസ്ഥിതി സംരക്ഷണ സന്ദേശം ഉയർത്തിപ്പിടിച്ച് വൃക്ഷത്തൈ നട്ടുപിടിപ്പിക്കലും പരിപാടിയുടെ ഭാഗമായി നടന്നു.
മക്കാംകുന്ന് സെന്റ് സ്റ്റീഫൻസ് ഓർത്തഡോക്സ് കത്തീഡ്രൽ പള്ളി അങ്കണത്തിൽ നടന്ന ചടങ്ങില് കെസിസി പത്തനംതിട്ട പ്രസിഡന്റ് വെരി. റവ. ജോൺസൻ കല്ലിട്ടതിൽ കോർ എപ്പിസ്കോപ്പ അധ്യക്ഷത വഹിച്ചു. മുനിസിപ്പൽ കൗൺസിൽ എബൽ മാത്യു, സോൺ പ്രസിഡന്റ് ഫാദർ ബിജു മാത്യു, റവ.ജോണി ആൻഡ്രൂസ്, ഫാദർ എബി റ്റി സാമുവൽ, അനീഷ് തോമസ്, മാത്യു പി വർഗ്ഗീസ്, ഡെന്നീസ് സാംസൺ, അഡ്വ.ജോൺ പോൾ, ഷിജു പി ജോൺ, റിബ ഷിജു എന്നിവർ പ്രസംഗിച്ചു.
