കോന്നി : വനംവകുപ്പ് ഉദ്യോഗസ്ഥര് സംരക്ഷിക്കപ്പെടേണ്ടത് കാലഘട്ടത്തിന്റെ ആവശ്യമാണെന്ന് സംസ്ഥാന നിയമസഭാ ഡെപ്യൂട്ടി സ്പീക്കര് ചിറ്റയം ഗോപകുമാര് പറഞ്ഞു. കേരള ഫോറസ്റ്റ് പ്രൊട്ടക്റ്റീവ് സ്റ്റാഫ് ഓര്ഗനൈസേഷന് ജില്ലാ സമ്മേളനം കോന്നിയില് ഉത്ഘാടനം ചെയ്ത് സംസാരിക്കുകയായിയുന്നു അദ്ദേഹം.
വനത്തേയും വനത്തിനുള്ളിലെ ജീവജാലങ്ങളേയും സംരക്ഷിക്കുവാന് ഒട്ടേറെ ബുദ്ധിമുട്ടുകള് സഹിച്ചാണ് വനംവകുപ്പ് ഉദ്യോഗസ്ഥര് തങ്ങളുടെ ഔദ്യോഗിക കൃത്യനിര്വ്വഹണം തുടരുന്നത്. ഇതിനിടയില് പലപ്പോഴും വിവിധ രീതിയില് അപകടങ്ങള് സംഭവിക്കാറുണ്ട്. ഇവര് നിര്വ്വഹിക്കുന്ന സേവനം വളരെ വലുതാണെന്നും ചിറ്റയം ഗോപകുമാര് പറഞ്ഞു.
ജില്ലാ പ്രസിഡന്റ് എം നൗഷാദ് അദ്ധ്യക്ഷത വഹിച്ചു. സി പി ഐ ജില്ലാ സെക്രട്ടറി എ പി ജയന്, സി പി ഐ സംസ്ഥാന കൗണ്സിലംഗം പി ആര് ഗോപിനാഥന്, റാന്നി ഡി എഫ് ഒ ജയകുമാര് , അസിസ്റ്റന്റ് ഫോറസ്റ്റ് കണ്സര്വേറ്റര് ഓഫ് സോഷ്യല് ഫോറസ്ട്രി സി കെ ഹാബി, ജില്ലാ സെക്രട്ടറി പി ജോണ്, ജോയിന്റ് കൗണ്സില് ജില്ലാ സെക്രട്ടറി പ്രദീപ് കുമാര് തുടങ്ങിയവര് സംസാരിച്ചു.
