തിരുവനന്തപുരം : സംസ്ഥാനത്ത് മണ്ണെണ്ണ വിലയില് വര്ദ്ധനവ്. ഏപ്രില് മാസം ലിറ്ററിന് 81 രൂപയായിരുന്ന മണ്ണെണ്ണ വില ഇപ്പോള് 84 രൂപയായാണ് വര്ധിച്ചത്. വില വര്ദ്ധനവ് മണ്ണെണ്ണ വിതരണക്കാരെ പ്രതികൂലമായി ബാധിച്ചിരിക്കുകയാണ്. കേരളത്തിലുള്ള മണ്ണെണ്ണ വിഹിതം 40% കേന്ദ്രം വെട്ടിക്കുറച്ചിരുന്നു. കഴിഞ്ഞ മാസം 59 രൂപയായിരുന്നു മണ്ണെണ്ണയുടെ വില.
എന്നാല് ഒറ്റയടിക്ക് 22 രൂപ വര്ദ്ധിച്ചതോടെ മണ്ണെണ്ണ വില 81 രൂപയായി ഉയര്ന്നു. ഇപ്പോള് മൂന്നു രൂപയാണ് വര്ദ്ധിച്ചത്. മണ്ണെണ്ണ വില വര്ദ്ധനവ് മത്സ്യബന്ധന മേഖലയിലും പ്രതികൂല സാഹചര്യമാണ് സൃഷ്ടിക്കുന്നത്. എണ്ണക്കമ്പിനികള് റേഷന് വിതരണത്തിന് കെറോസിന് ഡീലേഴ്സ് അസോസിയേഷന് നല്കിയിരിക്കുന്ന വിലയാണ് ഇപ്പോള് വര്ദ്ധിപ്പിച്ചത്.
