കൊച്ചി : കിഴക്കമ്പലത്ത് ഇതര സംസ്ഥാന തൊഴിലാളികള് പോലീസിനെ ആക്രമിച്ച് വാഹനം തകര്ത്ത കേസില് 10 പേരെക്കൂടി അറസ്റ്റിൽ. ജാര്ഖണ്ഡ്, നാഗാലാന്റ്, അസം, ഉത്തര്പ്രദേശ് സ്വദേശികളായ തൊഴിലാളികളെയാണ് പ്രത്യേക അന്വേഷണ സംഘം അറസ്റ്റ് ചെയ്തത്. ഇതോടെ അറസ്റ്റ് ചെയ്തവരുടെ എണ്ണം 174 ആയി. ക്രിസ്മസ് രാത്രിയില് കരോള് നടത്തുന്നതുമായി ബന്ധപ്പെട്ട് കിറ്റക്സിലെ തൊഴിലാളികള് തമ്മിലുണ്ടായ സംഘര്ഷമാണ് പോലീസിനെതിരായ ആക്രമണത്തില് കലാശിച്ചത്.
സംഘര്ഷത്തെപ്പറ്റി വിവരം ലഭിച്ച് സ്ഥലത്തെത്തിയ പോലീസിനെ തൊഴിലാളികള് ആക്രമിക്കുകയായിരുന്നു. മൂന്ന് പോലീസ് വാഹനങ്ങള് തകര്ക്കുകയും അഞ്ച് പോലീസുകാര്ക്ക് സാരമായി പരിക്കേല്ക്കുകയും ചെയ്തതോടെ റൂറല് എസ്പിയുടെ നേതൃത്വത്തില് എത്തിയ വന് പോലീസ് സന്നാഹം തൊഴിലാളി ക്യാംപിലെത്തി ആദ്യം 156 പേരെ അറസ്റ്റ് ചെയ്യുകയായിരുന്നു.
