തിരുവല്ല : മൃഗസംരക്ഷണ വകുപ്പിലെ ഫീൽഡ് വിഭാഗം ജീവനക്കാരായ എൽ.ഐ മാരുടെ റിസ്ക് അലവൻസ് പുനസ്ഥാപിക്കുക ,തസ്തിക നാമം മാറ്റുക ,സബ് സെൻററുകളിൽ നാടൻ ജെനുസുകളുടെ ബീജം അനുവദിച്ചു നൽകുക തുടങ്ങിയ ആവശ്യങ്ങള് കെ.എല്.ഐ.യു തിരുവല്ല, മല്ലപ്പള്ളി സംയുക്ത മേഖലാ സമ്മേളനം പ്രമേയത്തിലൂടെ ആവശ്യപ്പെട്ടു. ജോയിന്റ് കൗൺസിൽ സംസ്ഥാന കൗൺസിൽ അംഗം പി.എസ് മനോജ് കുമാർ ഉത്ഘാടനം ചെയ്തു.
മേഖലാ പ്രസിഡന്റ് ബിനിമോൾ അധ്യക്ഷത വഹിച്ചു. ജോയിന്റ് കൗൺസിൽ സംസ്ഥാന കമ്മറ്റിയംഗം ആര്. മനോജ് കുമാർ, മേഖലാ സെക്രട്ടറി മഹേഷ്, ഷാജഹാൻ, ബിജു, ശ്രീലത, പ്രംരാജ്, ജ്യോതിലക്ഷ്മി, ഷൈജു എബ്രഹാം എന്നിവര് പ്രസംഗിച്ചു. മേഖലാഭാരവാഹികളായി ഷൈജു എബ്രഹാം (പ്രസിഡന്റ്), കെ.വി ശ്രീലത (സെക്രട്ടറി), രാജ രാജ ലക്ഷ്മി (ട്രഷറര്) എന്നിവരെ തെരെഞ്ഞെടുത്തു.
