കൊച്ചി: കൊച്ചി കോര്പ്പറേഷനില് പ്ലാസ്റ്റിക് മാലിന്യനീക്കം പുനരാരംഭിച്ചു. ബ്രഹ്മപുരം തീപിടുത്തത്തിന് ശേഷം ആദ്യമായാണ് പ്ലാസ്റ്റിക് മാലിന്യനീക്കം ആരംഭിച്ചിരിക്കുന്നത്. തേവര ഡിവിഷനില് അജൈവമാലിന്യ നീക്കത്തിന്റെ ഉദ്ഘാടനം കൗണ്സിലര് പിആര് അനീഷ് ഉദ്ഘാടനം ചെയ്തു. ക്ലീന് കേരള കമ്പനിയാണ് പ്ലാസ്റ്റിക് ഉള്പ്പെടെയുള്ള അജൈവ മാലിന്യം സംഭരിക്കുന്നത്. ബ്രഹ്മപുരം തീപിടുത്തത്തിന് ശേഷം വീടുകളില് നിന്നുള്ള പ്ലാസ്റ്റിക് മാലിന്യനീക്കം ഇതുവരെ പുനസ്ഥാപിച്ചിട്ടില്ല.
അതേസമയം കഴിഞ്ഞ തിങ്കളാഴ്ച വൈകുന്നേരം അഞ്ചരയോടെയാണ് 100 ശതമാനവും പുക അണച്ചത്. പോലീസും ഫയര്ഫോഴ്സും മറ്റു വിവിധ വിഭാഗങ്ങളും സമര്പ്പണത്തോടെ നടത്തിയ പ്രവര്ത്തനത്തിന്റെ ഭാഗമായി തീ അണയ്ക്കാന് കഴിഞ്ഞത് അഭിമാനകരമായ നേട്ടമാണ്. ബ്രഹ്മപുരം സംഭവത്തില് കൊച്ചി കോര്പ്പറേഷന് ഹരിത ട്രിബ്യൂണല് 100 കോടി പിഴ ചുമത്തിയിരുന്നു. സംഭവത്തില് നിയനടപടിയുമായി മുന്നോട്ട് പോകുമെന്ന് കൊച്ചി മേയര് എം അനില് കുമാര് അറിയിക്കുകയും ചെയ്തു.
