കോന്നി : ഈ വർഷത്തെ കോന്നി ബ്ലോക്ക് ക്ഷീരോത്സവം മലയാലപ്പുഴയിൽ. മൃഗ സംരക്ഷണ ക്ഷീര വികസന വകുപ്പ് മന്ത്രി ജെ ചിഞ്ചു റാണി നാളെ ഉദ്ഘാടനം ചെയ്യും. രാവിലെ 10.30ന് പഞ്ചായത്ത് കമ്യൂണിറ്റി ഹാളിൽ അഡ്വ കെ യു ജനീഷ് കുമാർ എം എൽ എ യുടെ അധ്യക്ഷതയിൽ നടക്കുന്ന പൊതുസമ്മേളനത്തിൽ കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി, വൈസ് പ്രസിഡന്റ് നീതു ചാർളി, ജില്ലാ പഞ്ചായത്ത് അംഗം ജിജോ മോഡി തുടങ്ങിയവർ പങ്കെടുക്കും. സംഗമത്തിന്റെ ഭാഗമായി നടക്കുന്ന സെമിനാറിൽ ഡോ ഗിരീഷ് കൃഷ്ണൻ വിഷയാവതരണം നടത്തും. ക്ഷീരോൽപന്നങ്ങളുടെ പ്രദർശനവും ഉണ്ടായിരിക്കും.
