കോന്നി : കോന്നി താലൂക്ക് ലൈബ്രറി കൗണ്സിലിന്റെ നേതൃത്വത്തില് കോന്നി ഗവണ്മെന്റ് ഹയര് സെക്കണ്ടറി സ്കൂളില് സംഘടിപ്പിച്ച കോന്നി താലൂക്ക് സെമിനാര് അഡ്വ.കെ.യു ജനീഷ് കുമാര് എം.എല്.എ ഉത്ഘാടനം ചെയ്തു. താലൂക്ക് ലൈബ്രറി കൗണ്സില് പ്രസിഡന്റ് മലയാലപ്പുഴ ശശി അധ്യക്ഷത വഹിച്ചു. ജില്ലാ ലൈബ്രറി കൗണ്സില് സെക്രട്ടറി പി.ജി ആനന്ദന് വായനാമത്സര വിജയികള്ക്കുള്ള സമ്മാനദാനം നിര്വഹിച്ചു. താലൂക്ക് സെക്രട്ടറി അഡ്വ.പേരൂര് സുനില് സ്വാഗതം ആശംസിച്ചു.
ഇന്ത്യന് റിപ്പബ്ലിക്കിന് ഇന്ത്യയോട് പറയാനുള്ളത് എന്ന വിഷയത്തില് പത്തനംതിട്ട മുന് നഗരസഭാ ചെയര്മാന് അഡ്വ.സക്കീര് ഹുസൈന് വിഷയാവതരണം നടത്തി. പുരോഗമന കലാ സാഹിത്യ സംഘം ജില്ലാ പ്രസിഡന്റ് കൈപ്പട്ടൂര് തങ്കച്ചന്, താലൂക്ക് വൈസ് പ്രസിഡന്റ് ടി.ആര് ചന്ദ്രശേഖരന് നായര്, താലൂക്ക് ജോയിന്റ് സെക്രട്ടറി ആര്.പ്രദോഷ് കുമാര്, തുളസീ മണിയമ്മ, തുളസീധരന് ചാങ്ങമണ്ണില് തുടങ്ങിയവര് സംസാരിച്ചു.
