മല്ലപ്പള്ളി : കൊറ്റനാട് ഗ്രാമ പഞ്ചായത്ത് പ്രസിഡന്റായി ഭാരതീയ ജനതാ പാർട്ടിയിലെ പി.റ്റി സുധ തെരഞ്ഞെടുക്കപ്പെട്ടു. പട്ടികജാതി സംവരണമായ പ്രസിഡന്റ് പദവി യു.ഡി.എഫ്.പിന്തുണയോടെ എൽ.ഡി.എഫിലെ എം.എസ്. സുജാതയായിരുന്നു നയിച്ചിരുന്നത്. കഴിഞ്ഞിയിടെയുണ്ടായ അഭിപ്രായ വൃത്യാസത്തെ തുടർന്ന് അവിശ്വാസത്തിലൂടെ സുജാതയെ യു.ഡി.എഫ് പുറത്താക്കി.
14ന് തെരഞ്ഞെടുപ്പ് കമ്മീഷന്റെ നിർദ്ദേശപ്രകാരം പ്രസിഡന്റ് സ്ഥാനത്തേക്ക് തെരഞ്ഞെടുപ്പ് നടത്താൻ വരണാധികാരിയായ സഹകരണവകുപ്പ് റെജിസ്ട്രാർ സി.ടി.സാബു യോഗം വിളിച്ചുചേർത്തെങ്കിലും ക്വാറം ഇല്ലാത്തതിനാൽ പിരിച്ചുവിടുകയായിരുന്നു. ഇതേ തുടർന്നാണ് ഇന്ന് തെരഞ്ഞെടുപ്പ് നടന്നത്. കൊറ്റനാട് പഞ്ചായത്തിൽ ആകെയുള്ള 13 വാർഡുകളിൽ 7 വാർഡുകൾ യു.ഡി.എഫിനും മൂന്ന് വാർഡ് എൽ.ഡി.എഫ്, മൂന്നു വാർഡ് ബി.ജെ.പി. എന്നിങ്ങനെയാണ് പഞ്ചായത്തിലെ കക്ഷിനില
