കോഴിക്കോട്: ഹോട്ടലുടമയുടെ കൊലപാതകേസിലെ പ്രതികള് ആയുധങ്ങള് ഉപേക്ഷിച്ച സ്ഥലത്ത് എത്തിച്ച് തെളിവെടുപ്പ് നടത്തി അന്വേഷണ സംഘം. പരിയാപുരം ചേരിയമലയിലാണ് തെളിവെടുപ്പ് നടക്കുന്നത്. കൊല്ലപ്പെട്ട സിദ്ദിഖിന്റെ പേരിലുള്ള എടിഎം കാര്ഡും മൃതദേഹം മുറിക്കാന് ഉപയോഗിച്ച ഇലക്ട്രിക് കട്ടറും ഉള്പ്പടെ എല്ലാ ആയുധങ്ങളും കണ്ടെടുത്തു. ഹണി ട്രാപ്പിനിടെ സിദ്ദിഖിന്റെ കൊലപാതകം എന്നാണ് അന്വേഷണ ഉദ്യോഗസ്ഥര് പറയുന്നത്.
സിദ്ദീഖിനെ കൊലപ്പെടുത്തിയ ശേഷം ഹോട്ടല് മുറിയിലെ ബാത്റൂമില് വച്ചുതന്നെയാണ് പ്രതികള് വെട്ടിനുറുക്കിയത്. പിന്നീട് മാനാഞ്ചിറയിലെ ഒരു കടയില്നിന്ന് ട്രോളി ബാഗ് വാങ്ങി ശരീരഭാഗങ്ങള് നിറയ്ക്കുകയായിരുന്നു. ഹോട്ടല് മുറിയെടുത്തത് സിദ്ദീഖ് അറിഞ്ഞുതന്നെയാണെങ്കിലും ഹണിട്രാപ്പിനെക്കുറിച്ച് ബോധവാനായിരുന്നില്ലെന്നും മലപ്പുറം എസ്.പി എസ്. സുജിത് ദാസ് പറഞ്ഞു.
