തിരുവനന്തപുരം: കെ.എസ്.ആര്.ടി.സിയിലെ ശമ്പള പ്രതിസന്ധിയില് ഗതാഗതമന്ത്രി ആന്റണി രാജു റിപ്പോര്ട്ട് തേടി. ഹൈക്കോടതി ഉത്തരവില് സ്വീകരിക്കേണ്ട നടപടികളില് റിപ്പോര്ട്ട് നല്കാന് കെ.എസ്.ആര്.ടി.സി എം.ഡിക്ക് മന്ത്രി നിര്ദ്ദേശം നല്കി. യൂണിയനുകളുടെ അസൗകര്യത്തെ തുടര്ന്ന് മന്ത്രിതല ചര്ച്ച തിങ്കളാഴ്ചത്തേക്ക് മാറ്റി.മെയ് മാസത്തിലെ ശമ്പള വിതരണം ഇതുവരെ പൂര്ത്തിയാക്കിയിട്ടില്ല. ഡ്രൈവര്, കണ്ടക്ടര്, മെക്കാനിക്ക് എന്നിവർക്ക് പുറമേയുള്ളവര്ക്ക് മെയ് മാസത്തിലെ ശമ്പളം ഇതേവരെ നല്കിയിട്ടില്ല. മെയ് മാസത്തിലെ ശമ്പളം വിതരണം പൂര്ത്തിയാക്കാന് 35 കോടി രൂപ കൂടി വേണമെന്നാണ് മാനേജ്മെന്റ് നിലപാട്. കെ.എസ്.ആര്.ടി.സിയില് അനിശ്ചിതകാല പണിമുടക്ക് തുടങ്ങുമെന്ന് സി.ഐ.ടി.യു മുന്നറിയിപ്പ് നല്കിയിരുന്നു. ശമ്പളം കൃത്യമായി കിട്ടാത്ത പക്ഷം കടുത്ത സമരം വേണ്ടി വരുമെന്നാണ് സി.ഐ.ടി.യുവിന്റെ നിലപാട്.
