21 ദിവസം പ്രായമായ കുഞ്ഞിനെ അമ്മ പ്ലാസ്റ്റിക്കിൽ പൊതിഞ്ഞ് വീടിന് സമീപത്തെ തോട്ടിലെറിഞ്ഞു

ആലപ്പുഴ : അര്‍ത്തുങ്കലില്‍ 21 ദിവസം പ്രായമായ കുഞ്ഞിനെ അമ്മ പ്ലാസ്റ്റിക്കില്‍ പൊതിഞ്ഞ് വീടിനു സമീപത്തെ തോട്ടിലെറിഞ്ഞു. ഇത് കണ്ട ഭര്‍തൃസഹോദരന്‍ കുട്ടിയെ രക്ഷിച്ച്‌ ആശുപത്രിയില്‍ എത്തിച്ചു. സംഭവത്തില്‍ യുവതിയ്‌ക്കെതിരെ പോലീസ് കേസ് എടുത്തിട്ടുണ്ട്. രാത്രി ഒന്‍പത് മണിയോടെയായിരുന്നു സംഭവം. യുവതിയ്‌ക്ക് മാനസികാസ്വാസ്ഥ്യം ഉള്ളതായാണ് ബന്ധുക്കളില്‍ നിന്നും ലഭിക്കുന്ന വിവരം. ആശുപത്രിയില്‍ ചികിത്സയിലുള്ള കുട്ടിയുടെ ആരോഗ്യനില തൃപ്തികരമാണ്. സംഭവത്തില്‍ വധശ്രമത്തിനാണ് പോലീസ് കേസ് എടുത്തത്.