കോന്നി : കോന്നി നിയോജക മണ്ഡലത്തിലെ എല്.ഡി.എഫ് സ്ഥാനാര്ഥി അഡ്വ. കെ.യു ജനീഷ് കുമാറിന്റെ തിരഞ്ഞടുപ്പ് കണ്വന്ഷന് അംഗനവാടിയില് നടത്തിയത് വിവാദത്തില്. സര്ക്കാര് സ്ഥാപനമായ അംഗനവാടിയില് രാഷ്ട്രീയ യോഗം ചേര്ന്നത് തെരഞ്ഞെടുപ്പ് പെരുമാറ്റ ചട്ട ലംഘനമാണ്. പ്രമാടം ഗ്രാമപഞ്ചായത്ത് ഏഴാം വാര്ഡിലെ അംഗനവാടിയിലാണ് 104 ആം നമ്പര് ബൂത്ത് കണ്വന്ഷന് ഇന്ന് നടന്നത്.
സര്ക്കാര് സ്ഥാപനമായ അംഗനവാടിയില് രാഷ്ട്രീയ യോഗം ചേര്ന്നത് തെരഞ്ഞെടുപ്പ് പെരുമാറ്റ ചട്ടത്തിന്റെ നഗ്നമായ ലംഘനമാണെന്ന് ചൂണ്ടിക്കാട്ടി കോണ്ഗ്രസ് തിരഞ്ഞടുപ്പ് കമ്മീഷന് പരാതി നല്കിയിട്ടുണ്ട്. കണ്വന്ഷന്റെ ദൃശ്യങ്ങള് സമൂഹ മാധ്യമത്തിലൂടെ പ്രചരിച്ചതോടെയാണ് സംഭവം പുറംലോകമറിയുന്നത്. സി.പി.എം കോന്നി ഏരിയ കമ്മറ്റി അംഗമാണ് യോഗം ഉത്ഘാടനം ചെയ്തത്. സംഭവം ഇതിനോടകം സമൂഹ മാധ്യമങ്ങളില് വലിയ പ്രതിഷേധങ്ങള്ക്കും ചര്ച്ചകള്ക്കും വഴിയൊരുക്കിയിട്ടുണ്ട്.
