ന്യൂഡല്ഹി : വായ്പാ തട്ടിപ്പ് നടത്തി ഇന്ത്യ വിട്ട വജ്രവ്യാപാരി മെഹുല് ചോക്സി അറസ്റ്റില്. രാജ്യം വിട്ടതിന് ശേഷം ഇയാള് കരീബിയന് രാജ്യമായ ആന്റിഗ്വയിലാണ് കഴിഞ്ഞിരുന്നത്. ഇതിനിടയില് ഇവിടെ നിന്നും മുങ്ങിയ ഇയാളെ അയല്രാജ്യമായ ഡൊമിനിക്കയില് വെച്ചാണ് പിടികൂടിയത്.
ഞായറാഴ്ച മുതല് മെഹുല് ചോക്സിയെ കാണാനില്ലായിരുന്നു. കാണാതായ ഇയാള്ക്കു വേണ്ടി ഇന്റര്പോള് തിരച്ചില് നോട്ടിസ് പുറപ്പെടുവിച്ചിരുന്നു. ഇതിനുപിന്നാലെ ഇന്നലെ രാത്രിയാണ് അറസ്റ്റുണ്ടായത്. ഡൊമിനിക്കയില് നിന്ന് മെഹുല് ചോക്സിയെ ഇന്ത്യയ്ക്ക് കൈമാറാന് ധാരണയായിട്ടുണ്ട്. അനന്തിരവന് നീരവ് മോദിക്കൊപ്പം പഞ്ചാബ് നാഷനല് ബാങ്കില് നിന്നു 13,500 കോടി രൂപയുടെ വായ്പ്പാ തട്ടിപ്പ് നടത്തിയ കേസിലാണ് ചോക്സി പ്രതിയായിട്ടുളളത്.
