റാന്നി: സംരക്ഷണം ഒരുക്കേണ്ട അധികൃതർ കണ്ണടച്ചപ്പോൾ നാട്ടുകാർ കൈകോർത്തു ഫണ്ട് കണ്ടെത്തി റോഡിൻ്റെ ഇരുവശത്തെയും കാട് വെട്ടിതെളിച്ചു. തുടർച്ചയായി 4-ാം വർഷവും അഞ്ചോളം കാടുവെട്ടുന്ന യന്തം ഉപയോഗിച്ചാണ് റോഡരികിലെ കാട് വെട്ടി വ്യത്തിയാക്കിയത്. അങ്ങാടി പഞ്ചായത്തിലെ 5-ാം വാർഡിലുടെ കടന്നു പോകുന്ന ചിറയ്ക്കൽപ്പടി -കരിയംപ്ലാവ് പിഡബ്ലുഡി റോഡിൻ്റെ മൂന്നു കിലോമീറ്റർ ദൂരമാണ് തെളിച്ചത്. ഇരുവശത്തും കാട് വളർന്ന് വാഹനങ്ങൾക്ക് വശം കൊടുക്കാൻ കഴിയാത്ത സാഹചര്യമായിരുന്നു. ഇഴജന്തുക്കളുടെ ശല്യം കാരണം രാത്രിയിൽ കാൽ നടക്കാർക്കും ബുദ്ധിമുട്ടായിരുന്നു.
ഈ റോഡിൻ്റെ വശത്തു നിന്നും പെരുമ്പാമ്പിനെ നാട്ടുകാർ കണ്ടെത്തുകയും തുടര്ന്ന് വനപാലകരെത്തി പിടിക്കുകയുണ്ടായിട്ടുണ്ട്. റോഡിൻ്റെ വിവിധ സ്ഥലങ്ങളിൽ വലിയ തടികൾ മുറിച്ചിട്ടിരിക്കുന്നതും ബുദ്ധിമുട്ടാണ്. എത്രയും പെട്ടെന്ന് തടികൾ വ്യാപാരികൾ മാറ്റുന്നതിനും നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
സജി നഗരൂർ കിഴക്കേതിൽ, സാംകുട്ടി മുക്രണത്ത്, രാജു തേക്കടയിൽ,
റെറ്റി എബ്രഹാം മാത്യു, കെ.പി. ടൈറ്റസ്, സഞ്ജീവ് എന്നിവർ നേതൃത്വം നൽകി.
