തിരുവനന്തപുരം : സംസ്ഥാനത്ത് ലോക്ക് ഡൗണില് ഇളവുകള് വന്നേക്കും. ടിപിആര് നിരക്ക് കുറയുന്ന സാഹചര്യത്തില് ആണ് ഇളവുകള് നല്കാന് സര്ക്കാര് തീരുമാനിച്ചിരിക്കുന്നത്. ഇക്കാര്യത്തില് അന്തിമ തീരുമാനം ഇന്ന് മുഖ്യമന്ത്രിയുടെ നേതൃത്വത്തില് നടക്കുന്ന ഉന്നതതല യോഗത്തില് ഉണ്ടാകുമെന്നാണ് സൂചന. കൊവിഡ് ടെസ്റ്റ് പോസിറ്റിവിറ്റി നിരക്ക് ഈ ആഴ്ചയോടെ 10 ശതമാനത്തില് താഴെ എത്തുമെന്നാണ് ആരോഗ്യവകുപ്പിന്റെ വിലയിരുത്തല്.
നിലവിലെ സാഹചര്യത്തില് ഓട്ടോറിക്ഷ, ടാക്സി സര്വീസുകള്ക്ക് ഇളവ് ഉണ്ടാകാന് സാധ്യത ഉണ്ട്. ബാര്ബര് ഷോപ്പുകളും തുറക്കാന് അനുവദിച്ചേക്കും. ടിപിആര് നിരക്ക് അഞ്ചു ശതമാനത്തില് താഴെ എത്തുന്നതുവരെ ലോക്ക് ഡൗണ് തുടരണം എന്നാണ് ഡോക്ടര്മാരുടെ സംഘടന ആദ്യഘട്ടത്തില് ആവശ്യപ്പെട്ടിരുന്നത്. എന്നാല് സാമ്പത്തിക പ്രത്യാഘാതങ്ങള് ഉള്പ്പെടെ വിലയിരുത്തുമ്പോള് അതുവരെ കാത്തിരിക്കാന് കഴിയില്ലെന്നാണ് ഉന്നത ഉദ്യോഗസ്ഥരുടെ അഭിപ്രായം. ജൂണ് 16 വരെ പതിവ് നിയന്ത്രണങ്ങള് സംസ്ഥാനത്ത് തുടരും.