റാന്നി : മക്കപ്പുഴ ഗവ.എൽ പി സ്കൂളിന്റെ 101-ാം വാർഷികാഘോഷം പഴവങ്ങാടി ഗ്രാമപഞ്ചായത്ത് പ്രസിഡന്റ് പ്രമോദ് മന്ദമരുതി ഉദ്ഘാടനം ചെയ്തു. പി.റ്റി.എ പ്രസിഡന്റ് പി.എസ് സുമലത അദ്ധ്യക്ഷത വഹിച്ചു. സർവ്വീസിൽ നിന്നും വിരമിക്കുന്ന അദ്ധ്യാപിക അനിറ്റ് പി.ജോസിനെ പഞ്ചായത്ത് വൈസ് പ്രസിഡന്റ് സൗമ്യ ജി. നായർ ആദരിച്ചു. ക്ഷേമകാര്യ സ്ഥിരം സമിതി അധ്യക്ഷന് അഡ്വ.മനോജ് മലയിൽ എൻഡോവ്മെന്റ്കൾ വിതരണം ചെയ്തു. വിദ്യാഭ്യാസ സ്ഥിരംസമിതി അദ്ധ്യക്ഷ മേരി ജോൺ സമ്മാനദാനം നിർവ്വഹിച്ചു.
വാർഡ് മെമ്പർ കെ ഇ മാത്യു, എ.ഇ.ഒ. മെറിൻ സക്കറിയ, പ്രഥമാദ്ധ്യാപിക സിന്ധു ജി നായർ, മുൻ പ്രഥമധ്യാപകന് ജോൺ സാമുവേൽ, അനിൽ കുമാർ, ശാരിക സി നായർ, എം.ജെഷൈല, എം ജി ശ്രീകുമാർ, മുരളീധരൻ തമ്പാൻ, കെ.ശ്രീകാന്തൻ , ക്യാപ്റ്റൻ വി.എം ജോസഫ്, ആതിര എം നായർ, പി ജി സോമൻ, പി.കെ അനിൽ കുമാർ, കെ. സീമ, അനിറ്റ് പി ജോസ്, സ്കൂൾ ലീഡർ അനശ്വർ അനൂപ് എന്നിവർ പ്രസംഗിച്ചു.
