ലണ്ടൻ : ഓക്സ്ഫെഡ് ബിരുദം പൂർത്തിയാക്കി സമാധാന നൊബേൽ ജേതാവ് മലാല യൂസുഫ് സായ്. ഓക്സ്ഫെഡ് യൂനിവേഴ്സിറ്റിയിൽ നടന്ന ബിരുദദാന ചടങ്ങിന്റെ ചിത്രങ്ങൾ മലാല തന്നെയാണ് സമൂഹ മാധ്യമങ്ങളിൽ പങ്കുെവച്ചത്. തത്ത്വചിന്ത, രാഷ്ട്രീയം, സാമ്പത്തിക ശാസ്ത്രം എന്നീ വിഷയങ്ങളിൽ ബിരുദ പഠനം നടത്തി വരികയായിരുന്നു മലാല. ബിരുദധാരണത്തിനുള്ള പ്രത്യേക വസ്ത്രം ധരിച്ചുള്ള ചിത്രത്തിൽ മാതാപിതാക്കളും ഒക്കെയുണ്ട്. ഭർത്താവ് അസർ മാലിക്കിന് ഒപ്പമുള്ള ചിത്രവും പങ്കുവെച്ചിട്ടുണ്ട്. അടുത്തിടെയാണ് പാക് ക്രിക്കറ്റ് ബോർഡ് അംഗമായ അസറുമായി മലാലയുടെ വിവാഹം നടന്നത്.
