ഇടുക്കി : അടിമാലി കല്ലാര്കുട്ടി ഡാമില് കാണാതായ അച്ഛന്റെയും മകളുടെയും മൃതദേഹങ്ങള് കണ്ടെത്തി. കോട്ടയം പാമ്പാടി സ്വദേശികളായ ബിനീഷ് (45), മകള് പാര്വതി (19) എന്നിവരുടെ മൃതദേഹങ്ങളാണ് കണ്ടെത്തിയത്. ഇരുവരും ഡാമില് ചാടി ജീവനൊടുക്കിയതാണെന്നാണ് പ്രാഥമിക നിഗമനം. ഞായറാഴ്ച രാവിലെ 11.30 ഓടെയാണ് ഇരുവരെയും പാമ്പാടിയില് നിന്നും കാണാതായത്. പിന്നീട് വീട്ടുകാര് പല സ്ഥലങ്ങളിലും തെരഞ്ഞെങ്കിലും കണ്ടെത്താനായില്ല.
തുടര്ന്ന് വൈകീട്ടോടെ പോലീസ് പരാതി നല്കുകയും ചെയ്തു. പരാതിയുടെ അടിസ്ഥാനത്തില് പോലീസ് ബിനീഷിന്റെ മൊബൈല് നമ്പര് കേന്ദ്രീകരിച്ച് നടത്തിയ അന്വേഷണത്തില് അടിമാലി പരിസരത്ത് ഇവര് എത്തിയെന്ന് മനസിലാക്കി. തുടര്ന്ന് അടിമാലി പോലീസില് വിവരം അറിയിച്ചു. ഇവര് നടത്തിയ അന്വേഷണത്തില് രാത്രി എട്ടോടെ കല്ലാര്കൂട്ടി പാലത്തിനടുത്ത് ഇരുവരും സഞ്ചരിച്ച ബൈക്ക് കണ്ടെത്തി. പിന്നീട് ഇന്ന് രാവിലെ ഫയര്ഫോഴ്സിന്റെ സ്കൂബാ ടീമും പോലീസും നാട്ടുകാരും ചേര്ന്ന് കല്ലാര്കുട്ടി ഡാമില് നടത്തിയ തെരച്ചിലിലാണ് മൃതദേഹങ്ങള് കണ്ടെത്തിയത്.
