കൊല്ലം : മൂന്നു വയസുള്ള പെണ്കുട്ടിയെ പീഡിപ്പിക്കാന് ശ്രമിച്ചയാള് പിടിയില്. ചടയമംഗലം എം.ജി ഹൈസ്കൂളിന് സമീപം പുറമ്പോക്ക് വീട്ടില് തുളസി (58) ആണ് പിടിയിലായത്. ചടയമംഗലം പോലീസാണ് ഇയാളെ പിടികൂടിയത്. കുട്ടിയുടെ മാതാവ് കുളിക്കുവാന് പോയ സമയത്ത് വീട്ടു മുറ്റത്തു നിന്ന കുട്ടിയെ അയല്വാസിയായ തുളസി കുട്ടിയുടെ അടിവസ്ത്രം ഊരി പീഡിപ്പിക്കാന് ശ്രമിക്കുകയായിരുന്നു.
കുളി കഴിഞ്ഞു വന്ന മാതാവ് കുട്ടി കരഞ്ഞു കൊണ്ട് നില്ക്കുന്നത് കണ്ടു വിശദമായി തിരക്കിയപ്പോഴാണ് അയല്വാസി പീഡിപ്പിക്കാന് ശ്രമിച്ച വിവരം അറിയുന്നത്. തുടര്ന്ന് കുട്ടിയുടെ മാതാവ് നല്കിയ പരാതിയുടെ അടിസ്ഥാനത്തില് ചടയമംഗലം പോലീസ് പ്രതിയെ കസ്റ്റഡിയിലെടുക്കുകയായിരുന്നു. പ്രതിയെ പോക്സോ വകുപ്പുപ്രകാരം കേസെടുത്തു റിമാന്ഡ് ചെയ്തു.
