നെടുമ്പാശേരി: വിദേശത്ത് നിന്ന് ലീവിനെത്തിയ മകനെ സ്വീകരിക്കാന് കൊച്ചി രാജ്യാന്തര എയർപോർട്ടിലെത്തിയ പിതാവ് കുഴഞ്ഞ് വീണ് മരിച്ചു. ചാവക്കാട് പാവറട്ടി സ്വദേശി വെണ്മടത്തായില് വീട്ടില് എന്.കെ. കുഞ്ഞാണ് (65) മരിച്ചത്. ഇന്നലെ പുലര്ച്ചെ ബഹ്റൈനില് നിന്നെത്തിയ മകന് ഷിഹാബിനെ സ്വീകരിക്കാന് കുടുംബാംഗങ്ങളോടൊപ്പം വിമാനത്താവളത്തില് എത്തിയതായിരുന്നു.
എയർപോർട്ട് ടെര്മിനലിന് പുറത്തെത്തിയ ഷിഹാബുമായി ആലിംഗനം ചെയ്ത് സന്തോഷം പങ്കിടുന്നതിനിടെ ശാരീരിക അസ്വസ്ഥത അനുഭവപ്പെട്ട കുഞ്ഞിനെ അങ്കമാലിയിലെ സ്വകാര്യ ആശുപത്രിയില് എത്തിച്ചെങ്കിലും താമസിയാതെ മരിച്ചു. ഭാര്യ: ബഷീറ. മറ്റൊരു മകന്: ഷുഹൈബ്.