ചാരുംമൂട് : കുടുംബകലഹം ഭാര്യയുടെ മുഖത്ത് ആസിഡ് ഒഴിച്ച ഭര്ത്താവ് ശ്രീകുമാര് പോലീസ് കസ്റ്റഡിയില്. നൂറനാട് മാമ്മൂട് പാണ്ഡ്യന്വിളയില് ശ്രീകുമാറിന്റെ ഭാര്യ ബിന്ദുവാണ് (29) പരിക്കേറ്റ് ചികിത്സയിലുള്ളത്. കുടുംബ പ്രശ്നങ്ങളെത്തുടര്ന്ന് ഭാര്യയുടെ മുഖത്ത് ആസിഡ് ഒഴിച്ചതെന്ന് ശ്രീകുമാര്. പരിക്കേറ്റ ഭാര്യയെ ആലപ്പുഴ വണ്ടാനം മെഡിക്കല് കോളജ് ആശുപത്രിയില് പ്രവേശിപ്പിച്ചു. വ്യാഴാഴ്ച വൈകീട്ട് നാലോടെയായിരുന്നു സംഭവം. നാളുകളായി ഇവര് തമ്മില് വഴക്കുണ്ടാകാറുണ്ടെന്ന് പോലീസ് പറയുന്നു. പത്തനംതിട്ട സ്വദേശിയാണ് ശ്രീകുമാര്. ഇവര്ക്ക് രണ്ട് കുട്ടികളുണ്ട്. കുട്ടികള് ഇപ്പോള് ശ്രീകുമാറിന്റെ വീട്ടിലാണ്. കുറച്ചുനാളായി ബിന്ദു ഉളവുക്കാട്ടുള്ള കൂട്ടുകാരിയുടെ വീട്ടിലാണ് താമസം. സംഭവത്തെതുടര്ന്ന് ശ്രീകുമാറിനെ പോലീസ് കസ്റ്റഡിയിലെടുത്തു.
