തിരുവല്ല : മുൻ വൈരാഗ്യത്തെ തുടർന്ന് അയൽവാസിയെ വെട്ടിപ്പരിക്കേൽപ്പിച്ച സംഭവത്തിൽ പ്രതിയായ കവിയൂർ സ്വദേശി തിരുവല്ല പോലീസിന്റെ പിടിയിലായി. കവിയൂർ മാറമല കോളനിയിൽ മനു എന്ന് വിളിക്കുന്ന അനീഷ് മാത്യു (30) ആണ് പിടിയിലായത്. കവിയൂർ കൊണ്ടൂർ മേപ്പുറത്ത് വീട്ടിൽ ശ്രീരാജിനെ വെട്ടിപ്പരിക്കേൽപ്പിച്ച സംഭവത്തിലാണ് അറസ്റ്റ്.
ഇക്കഴിഞ്ഞ 17-ാം തീയതി രാത്രി 11 മണിയോടെ ആയിരുന്നു സംഭവം. ആക്രമണത്തിൽ ഗുരുതരമായി പരിക്കേറ്റ ശ്രീരാജ് കോട്ടയം മെഡിക്കൽ കോളേജ് ആശുപത്രിയിൽ ചികിത്സ തേടിയിരുന്നു. കേസെടുത്തതിന് പിന്നാലെ ഒളിവിൽ പോയ അനീഷിനെ വെള്ളിയാഴ്ച വൈകിട്ടോടെ തിരുവല്ല സി.ഐ പി.എസ് വിനോദിന്റെ നേതൃത്വത്തിലുള്ള സംഘം ബന്ധുവീട്ടിൽ വീട്ടിൽ നിന്നുമാണ് പിടികൂടിയത്.
