അമ്പലപ്പുഴ: അമ്പലപ്പുഴ സ്വദേശിനിയായ 20 കാരിയെ കണ്ണൂരിലെത്തിച്ചു പീഡിപ്പിക്കാന് ശ്രമം. സംഭവവുമായി ബന്ധപ്പെട്ട് കണ്ണൂര് മരക്കാര്കണ്ടി ഷാഹിദി (21) നെ പിടികൂടി. അമ്പലപ്പുഴ സ്വദേശിനി ബംഗലൂരുവില് വെച്ചാണ് യുവാക്കളെ പരിചയപ്പെടുന്നത്. ഇതില് ഒരു യുവാവുമായി യുവതി പ്രണയത്തിലായി. തുടര്ന്നാണ് സംഘം യുവതിയെ കണ്ണൂരിലെത്തിച്ചത്.
ഇവിടെ വെച്ച് സംഘം പീഡിപ്പിക്കാന് ശ്രമിച്ചെന്നാണ് പരാതി. തോക്കുചൂണ്ടി കൊലപ്പെടുത്തുമെന്ന് ഭീഷണി മുഴക്കിയാണ് പീഡിപ്പിക്കാന് ശ്രമിച്ചതെന്ന് പെണ്കുട്ടി പോലിസിന് നല്കിയ പരാതിയില് പറയുന്നു. അതേസമയം പെണ്കുട്ടി സ്വയം വസ്ത്രങ്ങള് വലിച്ചു കീറുകയായിരുന്നുവെന്നാണ് അറസ്റ്റിലായ യുവാവ് പോലിസിനോട് പറഞ്ഞത്.
അതേസമയം മയക്കുമരുന്ന് ലോബിക്കും സെക്സ് റാക്കറ്റിനും ഇതുമായി ബന്ധമുണ്ടോയെന്നും പോലിസ് പരിശോധിക്കുന്നുണ്ട്. പെണ്കുട്ടി കണ്ണൂര് ജില്ലാ ആശുപത്രിയില് ചികിത്സ തേടിയിരുന്നു. സംഭവത്തിലെ മറ്റൊരു പ്രതി മുനീറിനായി പോലിസ് അന്വേഷണം ഊര്ജിതമാക്കിയിട്ടുണ്ട്.
