പത്തനംതിട്ട : നഗരസഭയുടെ പഴയ സ്വകാര്യ ബസ്റ്റാൻഡിൽ എല്ലാ ബസ്സുകളും കയറാത്തത് വ്യാപാരികൾക്ക് ബുദ്ധിമുട്ട് ഉണ്ടാക്കുന്നു. ഇവിടത്തെ ശൗചാലയം അടഞ്ഞു കിടക്കുകയാണ്. ഇത് സ്ത്രീ തൊഴിലാളികൾക്കും യാത്രക്കാർക്കും ഏറെ ബുദ്ധിമുട്ട് ഉണ്ടാകുന്നു. സ്റ്റാൻഡിലെ ചില ഭാഗങ്ങളിൽ മാലിന്യം കത്തിക്കുന്നത് കാരണം ദുർഗന്ധം ഉണ്ടാകുന്നു ഇത് വ്യാപാരികൾക്കും പൊതുജനങ്ങള്ക്കും ഏറെ പ്രയാസം വരുത്തുന്നു. ഇത്തരം പ്രശ്നങ്ങൾ പരിഹരിക്കണമെന്ന് ആവശ്യപ്പെട്ടുകൊണ്ട് വ്യാപാരി വ്യവസായി സമിതി പത്തനംതിട്ട യൂണിറ്റിന്റെ നേതൃത്വത്തില് നഗരസഭ ചെയർമാന് നിവേദനം നൽകി. തുടർന്ന് പ്രശ്നങ്ങക്ക് ഉടൻ പരിഹാരം ഉണ്ടാക്കാമെന്ന് നഗരസഭ ചെയർമാൻ ഉറപ്പ് നല്കി. സമിതി ജില്ലാ വൈസ് പ്രസിഡന്റ് അബ്ദുൽ റഹീം മാക്കാർ, ജില്ലാ ട്രഷാറർ ജയപ്രകാശ് പി.കെ, യൂണിറ്റ് സെക്രട്ടറി ബാബു മേപ്രത്ത്, ഹസീബ് ഫാന്റസി, കിഞ്ചൽ ഷൈജു, കോയാമോൻ, തുടങ്ങിയവർ പങ്കെടുത്തു.
