കോലഞ്ചേരി : മെത്രാപ്പൊലീത്തമാരെ തിരഞ്ഞെടുക്കല് മലങ്കരസുറിയാനി ക്രിസ്ത്യാനി അസോസിയേഷന് നാളെ കോലഞ്ചേരിയില് ചേരും. പരിശുദ്ധ ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവാ അദ്ധ്യക്ഷത വഹിക്കും. ഉച്ചയ്ക്ക് ഒരു മണിക്ക് കോലഞ്ചേരി സെന്റ് പീറ്റേഴ്സ് ആന്ഡ് സെന്റ് പോള്സ് പളളിയോടനുബന്ധിച്ച് ക്രമീകരിച്ചിരിക്കുന്ന ബസേലിയോസ് പൗലോസ് പ്രഥമന് നഗറിലെ പ്രധാന വേദിയില് പരിശുദ്ധ കാതോലിക്കാ ബാവ, മെത്രാപ്പൊലീത്തമാര്, സഭാസ്ഥാനികള്, മാനേജിംഗ് കമ്മിറ്റിയംഗങ്ങള് എന്നിവര് സമ്മേളിക്കും. നാലായിത്തോളം പ്രതിനിധികള് ലോകത്തിന്റെ വിവിധ ഭാഗങ്ങളില് നിന്നായി തിരഞ്ഞെടുപ്പില് വോട്ടു രേഖപ്പെടുത്തും. മാനേജിംഗ് കമ്മിറ്റി നല്കിയിരിക്കുന്ന 11 നാമനിര്ദ്ദേശങ്ങളില് നിന്നാണ് ഏഴു പേരെ തെരഞ്ഞെടുക്കേണ്ടത്.
ഫാ.ഏബ്രഹാം തോമസ്, ഫാ.അലക്സാണ്ടര് പി ഡാനിയേല്, ഫാ.എല്ദോസ് ഏലിയാസ്, റവ.കൊച്ചുപറമ്പില് ഗീവര്ഗീസ് റമ്പാന്, ഫാ.ഡോ.റെജി ഗീവര്ഗീസ്, ഫാ.പി.സി തോമസ്, ഫാ.ഡോ.വര്ഗീസ് കെ ജോഷ്വാ, ഫാ.വര്ഗീസ് പി ഇടിച്ചാണ്ടി, ഫാ.വിനോദ് ജോര്ജ്, ഫാ.യാക്കോബ് തോമസ്, ഫാ.സഖറിയ നൈനാന് ചിറത്തലാട്ട് എന്നിവരാണ് തിരഞ്ഞെടുപ്പിനെ നേരിടുന്നവര്.
