പെരുമ്ബാവൂര് : പതിനഞ്ചുകാരിയെ തട്ടിക്കൊണ്ടുപോയ സംഭവത്തില് മധ്യവയസ്കന് പിടിയില്. കടുവാള് സലിം ക്വാര്ട്ടേഴ്സില് വാടകയ്ക്കു താമസിക്കുന്ന വട്ടേക്കാട്ട് വീട്ടില് രാജു (53) ആണ് പോലീസ് പിടിയിലായത്. കല്പ്പണിക്കാരനായ ഇയാള്ക്ക് ഭാര്യയും രണ്ട് മക്കളുമുണ്ട്.
വീടിനടുത്ത് പണിക്കായി എത്തിയപ്പോഴാണ് ഇയാള് പെണ്കുട്ടിയുമായി പരിചയത്തിലായത്. പെണ്കുട്ടിയെ കാണാതായതിനെ തുടര്ന്ന് മാതാപിതാക്കള് നല്കിയ പരാതിയില് പെരുമ്ബാവൂര് ഇന്സ്പെക്ടര് സി ജയകുമാറിന്റെ നേതൃത്വത്തില് പ്രത്യേക സംഘം നടത്തിയ അന്വേഷണത്തില് മറൈന് ഡ്രൈവിന് സമീപത്തുനിന്നുമാണ് രാജുവിനെ പിടികൂടിയത്.
