ആലപ്പുഴ : മാരാരിക്കുളം ഓമനപ്പുഴയില് രണ്ടു കുട്ടികള് മുങ്ങി മരിച്ചു. നാലുതൈയ്ക്കല് നെപ്പോളിയന്റെ മക്കളായ അഭിജിത്ത് (11), അനഘ (10)യുമാണ് മരിച്ചത്. നെപ്പോളിയന്റെ വീടിനടുത്തുള്ള പൊഴിയിലാണ് വൈകിട്ട് 6 മണി കഴിഞ്ഞ് കുട്ടികള് വീണത്. അവിടെ പുലിമുട്ട് നിര്മാണം നടക്കുന്നതു കാണാന് കുട്ടികള് പോയതായിരിക്കുമെന്ന് പ്രദേശവാസികള് പറയുന്നു.
ഒപ്പമുണ്ടായിരുന്ന കുട്ടികള് ബഹളം വച്ചപ്പോഴാണ് അപകടം നാട്ടുകാര് അറിഞ്ഞത്. വെള്ളത്തില്നിന്ന് എടുത്തപ്പോഴേക്കും കുട്ടികള് മരിച്ചിരുന്നു. കുട്ടികളുടെ മാതാവ് ആന് മരിയ കുവൈത്തില് നഴ്സാണ്. നെപ്പോളിയന് മത്സ്യത്തൊഴിലാളിയാണ്.